İş Yerlərinin Attestasiyası sahəsinin faydası və önəmi

Əvvəlki məqaləmizdə iş yerlərinin attestasiyası (İYA) haqqında qısa məlumat təqdim etmişdim. Hazırki mövzumuz attestasiya zamanı işçilər üçün təyin edilən vəzifə (tarif) maaşına əlavələr haqqındadır. Belə ki, attestasiya prosedurunu əksər insanlar instrumental ölçmələrlə asosiyasiya edir. Ötən məqaləmizdə qeyd etdiyim kimi, attestasiya əmək şəraiti üzrə imtiyazlar təkcə ölçmələr vasitəsi ilə deyil, digər üsullarla da müəyyən edilir. Bu o anlama gəlmir ki, attestasiyadan sonra mütləq imtiyazlar verilməlidir. Sonuncu, ölçmələrin nəticəsindən və Nazirlər Kabinetinin müvafiq Qərarlarına əsasən təyin edilir. Bu haqda digər məqalələrimizdə məlumat veriləcək.

İnstrumental ölçmələr deyəndə nələr başa düşülür?

Belə ki, attestasiya zamanı iş şəraitinin instrumental parametrlər – fiziki, kimyəvi, bioloji, psixofiziloji amillər (məs.mikroiqlim, işıqlanma, şüalanma, tozlanma, kimyəvi və işçiyə zərərli ola biləcək digər faktorlar) sertifikatlaşdırılmış ölçmə avadanlıqları ilə ölçülür və müvafiq gigiyena normaları ilə müqayisə etməklə zərərlilik sinifləri verilir. Həmin siniflərə uğun olaraq xüsusi formul vasitəsi ilə hesablama aparılır və ağır və zərərli işə görə vəzifə (tarif) maaşına əlavələr 4%-dən başlayaraq 24% qədər müəyyən olunur. Ölçmələr Nazirlər Kabinetinin “İş yerlərinin attestasiyası keçirilməsi Qaydalarının təsdiq edilməsi haqqında” 38 saylı Qərarı, Əmək və Əhalinin Sosial Müdafiəsi Nazirliyinin Kollegiyasının 15-4 saylı qərarı ilə təsdiq edilmiş “İş yerlərinin attestasiyasının nəticələrinə əsasən əmək şəraitinin ağır və zərərliyinin qiymətləndirilməsi metodikası” və 6-2 saylı qərarı ilə təsdiq edilmiş “Əmək şəraiti üzrə iş yerlərinin attestasiyasının aparılması qaydası haqqında” Təlimatına əsasən həyata keçirilir.